लागू औषधको प्रभावमा पर्दा व्यक्तिको पढ्ने, काम गर्ने, उद्यमी हुने, धनी हुने अवस्थामा निक्कै गिरावट आएको हुन्छ र व्यक्ति सुधार केन्द्र सम्म आईपुग्दा त लगभग असामाजिक र बोझपूर्ण जिवन विताईरहेको हुनसक्छ । अर्को शब्दमा भन्नु पर्दा व्यक्तिको उत्पादकत्व घटि त्यस घरलाई नै उक्त व्यक्ति बोझको रुपमा भईरहेको हुन पनि सक्छ । तर यति हुँदा पनि उक्त समस्यामा परेको व्यक्तिलाई मेरो अवस्था ठिकै छ वा राम्रो छ भन्ने भ्रम परिरहेको हुन सक्छ । दुव्यर्सनमा पर्दाका अवस्थामा उक्त व्यक्तिको जीवन सभ्य र सफल व्यक्तिहरुको विचमा नभई, असामाजिक, असफल र अपराधिक व्यक्तिहरुको समूहमा भईरहेको हुन सक्छ जसले गर्दा यस्तो समयमा आर्थिक उन्नती गर्ने वा व्यवस्थापनका गुणहरु सिक्ने सम्भावना नै हुँदैन । जव व्यक्ति उपचार केन्द्रबाट बाहिरिनुहुन्छ तव वहाँको प्रतिस्पर्धा लागू औषध सेवन नगरेका व्यक्तिहरु सँग हुने गर्दछ जुन समूह सँग प्रतिस्पर्धा गरी जागिर, अध्धयन वा व्यवसायमा सफल हुन वहाँलाई ज्यादै मुस्किल पर्नेछ । यो असफलताले वहाँलाई डिप्रेसन जस्तो अवस्थामा लगि पून ड्रग्समा र्फकाउन सक्छ । अतः यहि समस्याबाट बाहिर निकाल्न वहाँलाई विशेष व्यवस्थापनको शिक्षा दिनुपर्ने हुन्छ जसका लागि नार्कोनन् तालिममा विद्यार्थीहरुलाई (Changing Condition in Life Course) को गहिरो अध्ययन गराईन्छ । यस कोर्ष पश्चात व्यक्तिले आफ्नो वास्तविक अवस्था कहाँ छ र आफ्नो गिरेको अवस्थालाई कसरी माथि उठाउने भन्ने सम्बन्धमा पर्याप्त ज्ञान र शुत्रहरु जान्नुहुनेछ ।